خطوات للحصول على اجازة السوق العراقية

خطوات للحصول على اجازة السوق العراقية بعد تغير الاجراءات 

1—تسحب استمارة وتفحص نضر ب٢٥ الف دينار

2— بالفحص نضر ياخذون الفايل مالتك ويوصل خلال ايام لدائرة المرور 

3— تروح للمرور بعد٣ ايام تاخذ الفايل الخاص بيك وبعدها تدفع ٣٠ خاصة بالاستمارة

4— تدخل اسعاف اولية يشرحلك اذا صار حادث امامك وكيف يتم اخذ الاجرائات لازمه ونقل المصاب الى المشفى — ويسئلك وراها ويعلمك على العلامات مرور الارشادية والتحذيرية  و المانعة 

5 — تدخل غرفه الحاسبات راح ينطوك اسئلة فكرية شويه رادلها تفكير ١٠ اسئلة منها اختيارات ومنها (صح) (وخطأ)

نصيحه الاطلاع على الاسئلة من خلال  اليوتيوب او من خلال التطبيق ( تطبيق خدمات مرورية) على متجر بلي

6 — اذا نجحت باختبار الحاسبة راح يدخلوك خطة اختبار القياده تركب نيسان كير عادي دبل قمارة اول متصعد حزام الامان كبل وراها يكلك حرك تبدل كير وتمشي ولادوس على الخط ولا تمشي سرعه لان الايباد الاختبار وحساسات بيها تنقص درجتك من ١٠٠ 

وراها تصعد رمبه في حال صعود سياره يكلك قف انته توكف 

هنا سياره في حال صعود لازم مترجع لان ترسب ولا تبطنش هم ترسب لازم ع هل وكفه وتحركها وراها يكلولك فلان (مبروك نجح ) 

7— اذا عمرك فوق ال١٩ تروح تختبر اختبار ثاني علمود ينطوك اجازه عمومي وتروح على شارع اييي سياره حتى لو كير اوتو يصعد وياك ضابط مرور وانته تلبس حزام امان وتمشي ب٦٠ كم هيج واشاره تفتح اذا استداره عاد وراها يوقع على فايل مالتك 

9— تدفع رسوم ب٢٠ الف 

10— تنتضر الاجازة مالتك ساعه او اكثر او اقل حسب الزخم .

رابط الفديو عن الاسئله الاختبار الحاسبة او يمكنكم تحميل تطبيقنا من خلال متجر بلي لقراءة كل التفاصيل

11— مواقع منح الاجازات

A-موقع اجازات السوق / الكرخ

1-موقع أجازات التاجيات
2- موقع اجازات الغزالية

Bموقع اجازات / الرصافة
1-موقع اجازات الحسينية
2ـ موقع اجازات الرستمية